BARUA YA WAZI KWA WAHESHIMIWA MARAIS DAKTA. J .M. KIKWETE NA DAKTA. A .M.SHEIN

              BARUA YA WAZI KWA WAHESHIMIWA MARAIS  DAKTA. J .M. KIKWETE  NA  DAKTA. A .M.SHEIN

      YAH:  KUWAOMBA MLINUSURU BUNGE LA KATIBA MPYA LITIMIZE               LENGO KUSUDIWA

  

Tafadhalini waheshimiwa husikeni na ombi la hapo juu mkiwa wakuu wa taasisi ya siasa ya umma au umma wa Taifa letu, ninyi si serikali wala wakuu wa vyama vyenu tu.

Inaonekana  Mungu ameamua kutukomboa dhidi ya adui yetu mkuu ukoloni mamboleo aliyetajwa mwaka 1967, bila ya ufafanuzi wake. Adui huyu yumo ndani yetu na ndani ya mifumo yetu ya maisha ,uongozi na utawala kwa ngazi ya Taifa na bara letu. Tusipomuondoa anaweza kuturudisha kwenye ukoloni au utumwa wa awali polepole.

Mungu anajua kuwa chini ya adui huyu hatuwezi kuyatimiza malengo ya uhuru wetu tuliyoyataja mwaka 1961,1964  na 1967 hata tukiwa chini ya uongozi na utawala wa chama kingine. Anafahamu kuwa tuliarifiwa juu ya uwepo wa adui huyu bila ya ufafanuzi,  huenda wasemaji hawakumfahamu vema adui huyu kwa vile nao walikuwa kundi la pili la wafuasi wa waasisi wa harakati za kuutafuta uhuru wetu waliomjua vema adui huyu.

Kama alivyowafanya waliotangulia, Mungu anawainua ninyi bila ya kulijua lengo la kuzianzisha harakati za awamu ya tatu ya ukombozi wetu dhidi ya adui huyu, anawaongoza kuanzisha mchakato wa kulikagua Taifa letu toka tulikoanzia, tuone tulipopotelea tujikosoe tutunge na kuandika katiba mpya itakayotuongoza katika harakati za ukombozi wetu bila ya kuijali baadae yenu,  kwa amani na utulivu wenye mshikamano na umoja. Ndio maana mwaka 2002  tukiwa AMALI NGO tuliishawishi serikali na WHO wakatunga sheria no 23. ya mwaka 2003 ya tiba asili, tulikuwa tunatengeneza ufunguo wa kuingilia alikofichwa adui huyu. Tuko tayari kutoa elimu ya kina kwa umma, uongozi na serikali dhidi ya adui huyu na harakati hizi nzito. 

Amewajaza hekima, busara na upendo kwa Taifa letu, mkautumia ufunguzi wa bunge la katiba mpya kuyavua madaraka na ushawishi wa uraisi ,serikali ,vyama vya siasa, tume na uandishi wa rasimu za katiba mpya, mataifa ya nje taasisi za dini, asasi za kiraia na mtu mmoja mmoja mbele ya bunge la katiba mpya ; sote tuwe watoa maoni yenye mifumo ya hoja zijadilike kwa maridhiano, hivyo ndivyo waraka wa kisiasa au katiba ya taifa itakavyopatikana

Hili bunge maalumu tofauti na mabunge ya kawaida, litakuwa na wajumbe bila ya miswada,waraka wa rasimu ya pili ya katiba mpya utakuwa waraka wa maoni kiongozi yaliyowekwa kwenye mifumo ya hoja yaongoze mijadala. Mfumo huu unawataka wajumbe kuwa wamoja waingize mambo yaliyosahaulika au yasiyoandikwa kwenye rasimu au kuleta maoni mbadala yakiwa kwenye mifumo ya hoja ili kwa hekima na busara zao waunde katiba bora. 

Kwa bahati mbaya harakati za awamu ya tatu ya ukombozi wa Taifa letu zilizofichwa ndani ya mchakato wa uandishi wa katiba mpya hazikutangazwa pamoja nao, huenda siri hii ya Mungu haijajulikana. Hivyo wajumbe wa bunge hili waliuona mchakato huu ni zawadi kwa muungano wetu kutimiza miaka 50 tunatafuta namna mpya ya ugawanaji mamlaka na madaraka ya taifa letu au tunatafuta aina mpya ya maisha au ustawishaji taifa. Katika mvutano huu wa fikra walijenga misimamo iliyowagawa, rasimu waliigeuza kuwa mswada baada ya maoni kiongozi; ukawa na wenyewe, wapinzani na waliotupwa nje. Kwa kuwa tendo hili ni nje ya taratibu za bunge   hili wakajikuta kila upande ukitoa matamko yasiyoweza kujadilika badala ya kutoa hoja za matamko hayo ambazo zingewapeleka hadi kwenye viini vya matakwa yao kama vile BMZ, SMZ, TAMISEMI na kadhalika; kasoro hii imelifanya kundi moja liamue kujitoa bungeni.

Kwa kuwaambia siri ya Mungu aliyoificha kwenye mchakato huu naamini sasa mtakuwa mmeelewa kuwa kinachotarajiwa kufanywa hapa ni zaidi ya katiba. Tunataka wajumbe wabakie wamoja wajenge nguvu ya utaifa na rasimu iwe maoni kiongozi ili yaruhusu maoni mapya yatakayojadiliwa sambamba na maoni kiongozi kwa nyanja husika, ikibidi hekima, busara , sheria na sera tulizoziacha za waasisi wetu tuziite katika kuifanikisha siri iliyofichwa kwenye mchakato huu. Hivyo natarajia wajumbe wote bila ya makundi wala misimamo au masharti nawasihi mrudi bungeni mkalijenge upya taifa letu msahau mliyonayo.

Nimeigundua siri hii katika utafiti nilioufanya toka mwaka 1987 -2002 nikitafuta kiini cha vikwazo vya taifa letu tajiri kwa utalii, rasilimali na mali asili, vipaji vya sayansi na ufundi mbali ya vya ustareheshaji, ardhi bora na kubwa yenye uzalishaji  wa kutosha, lakini hatujitoi kwenye umasikini, tunazidi kuwa tegemezi sasa hatuna siasa / dira, uongozi na serikali ya kitaifa , nyumba za kulaza watumishi, viwanda na kadhalika, pia kwa kukikana Kiswahili hadi leo taifa halijarudishwa kwa wananchi waliowengi maarifa tunayoyapata kwenye mataifa ya nje hatuyafikishi kwa wananchi waliowengi yakatuletea maendeleo, hatujui aina /mfumo wa elimu bora kwetu yakutukwamua tulipokwama, mbali ya hayo adui huyu ameharibu dhana yetu ya uwazi uwajibikaji, na ushirikishwaji  kwa kupunguza mamlaka ya raia dhidi ya uongozi wao na uongozi dhidi ya utawala /serikali yao kunakozaa rushwa ,ufisadi, ulegevu wa ulinzi wa mipaka, kupoteza huduma kwa umma, kujinyima fedha kitaifa na kadhalika. 

Mambo haya niliyawasilisha juu juu kwa taifa  kupitia ITV mnamo tarehe 26/04/2012: mada: NINI TANZANIA, ASILI NA HALI YAKE MIAKA 48. Tarehe 30 /04/2012: mada: TOFAUTI YA ELIMU YA UZALENDO NA ELIMU YA URAIA na tarehe 27/03/2914: mada: UGUMU WA KUUNGANISHA SERIKALI ZA TAIFA LETU;  naziona serikali za jamuhuri ya muungano wa Tanzania na TAMISEMI za kiraia lakini BMZ na SMZ za kijeshi,  vipi zote zitakuwa za kiraia ziwe na sura moja ziunganishwe? Adui huyu kwa miaka yote amewazuia viongozi wetu kulirekebisha hili kiasi inaonesha  CCM ina serikali ya muungano na tamisemi ya Tanganyika /Tanzania bara lakini upande wa Zanzibar / Tanzania visiwani  hupata wawakilishi kutokaBMZ wenye serikali  SMZ na kuwaingiza kwenye bunge na serikali ya muungano.

Kwa ufafanuzi huu wa kitafiti ni wazi watanzania wote sasa tutajua tunachotarajiwa kufanya kwa ajili ya salama yetu,  kumshukuru Mungu kwa ufunuo huo ni kwa wajumbe wote kurudi bungeni na tulionje tuwasaidie, maana hii ni vita dhidi ya adui yetu mkuu ukoloni mamboleo ila tujue adui huyu hakuumbwa ameundwa/kubuniwa na watu kwa maslahi yao. Wajumbe mkija na msimamo, mkisusa bunge, mkikataa kujadili yaliyonje ya rasimu, mtakuwa mnamsaidia adui huyu na waliomuunda kutekeleza malengo yao na kuliangamiza taifa na bara letu

 

J4mindu@gmail.com , 0753746479, 0787746479

mindujr3@gmail.com , 0719554564,

Wenu mtiifu

J .A. Mindu`

Mgunduzi, m/kiti wa AMALI NGO na mhandisi